Аянга бууж, хүний амь эрсэджээ. Тодруулбал, Хөвсгөл аймгийн цагдаагийн газарт “Баянзүрх сумын Тэрмэсийн их гэх газарт хүн нас барсан байна” гэсэн дуудлага мэдээлэл долдугаар сарын 27-ны 23:40 цагт иржээ. Дуудлагын дагуу тус сумын цагдаагийн албан хаагчид очиход иргэн А-ийн таван ханатай гэр дээр аянга буусан байжээ. Байгалийн гамшигт үзэгдлийн улмаас гэрт байсан 35 настай эмэгтэй амиа алдаж, таван настай хүү гэмтжээ. Хэргийг Хөвсгөл аймгийн цагдаагийн газар шалгаж байна.