Хөвсгөл аймагт хоёр хүний биеийн байдал хүндэвтэр байна

34
Хөвсгөл аймгийн Эрүүл мэндийн газраас цаг үеийн нөхцөл байдлын мэдээллийг танилцууллаа. Тус аймгийн хэмжээнд коронавирусний халдвар авсан 21 иргэн эмчлүүлж байна.
Тэдний 11 нь Нэгдсэн эмнэлгийн Халдвартын тасагт, 10 нь Цэцэрлэг суманд эмчлүүлж байгаа юм. Өнөөдрийн байдлаар 19 иргэний биеийн байдал хөнгөн, 2 иргэн хүндэвтэр байгаа гэнэ. Хөвсгөл аймагт сүүлийн 24 цагийн дотор 150 иргэнээс түргэвчилсэн оношлуураар, 230 хүнээс PCR шинжилгээ авахад 5 иргэнд халдвар илэрсэн.
Мөрөн сумын халдвартай нь батлагдсан 4 иргэний 2 нь гэртээ байсан бол нөгөө хоёр иргэн авто засварын төв, банк, томоохон худалдааны төвүүдээр явсан маршруттай байна. Эдгээр иргэдийн ойрын болон дам хавьтлуудаас шинжилгээ авч, тандалт хийж байгаа юм. Эрсдэл өндөр байгаа энэ үед иргэдийг гэрээсээ гарахгүй байхыг Эрүүл мэндийн газраас анхааруулан сэрэмжлүүлж байна.
 
Б.Гантуяа
Хөвсгөлийн өнгө.мн
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд Khuvsgul.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
khuvsgul.nutag.mn