Хөвсгөл аймгийн Рэнчинлхүмбэ суманд амралтын өдрүүдэд 3 удаа газар хөдлөлт болсон  байна.  Тодруулбал өнөөдөр  өглөөний 6 цаг 25 минутад  Хөвсгөл аймгийн Рэнчинлхүмбэ сумын төвөөс зүүн зүгт 23 километрийн зайд 3,6 магнитудын хүчтэй,  1 сарын 15-нд  Рэнчинлхүмбэ сумын төвөөс зүүн зүгт 31 километрийн зайд  4,2 магнитуд, 1 сарын 14-нд Рэнчинлхүмбэ сумаас зүүн урд зүгт 15 километрийн зайд 4,9 магнитудын хүчтэй тус тус газар хөдөлсөн байна. Энэ үеэр иргэдэд чичирхийлэл мэдрэгдсэн боловч ямар нэгэн хохирол учраагүй байна.