Хөвсгөл аймгийн Мэргэжлийн хяналтын байгууллагаас аймгийн хэмжээнд барилга, байгууламжийн угсралтын ажил гүйцэтгэж буй аж ахуйн нэгж, иргэд, тухайн барилга байгууламжийн ажлын хөрөнгө оруулагч, захиалагч, захиалагчийн хяналт хэрэгжүүлэгч төрийн байгууллагууд, зураг төслийн зохиогч зэрэг байгууллагуудад хандан “Өвлийн улиралд баригын ажил гүйцэтгэх тухай” улсын ахлах байцаагчийн зөвлөмжийг хүргүүлж байна. Зөвлөмжид дурдсан асуудлуудад анхаарч, хүйтэн сэрүүний улиралд барилгын ажил гүйцэтгэхдээ хүчин төгөлдөр мөрдөгдөж буй норм дүрэм, стандарт, журмыг мөрдөх, зураг төсөлд тусгасан шаардлагыг хэрэгжүүлэн ажиллах, дотоод хяналтаа эрчимжүүлж, барилга, байгууламжийн чанар, бат бэх, газар хөдлөлтийг тэсвэрлэх чадварыг бууруулахгүй байхыг зөвлөж байна.