ХӨВСГӨЛ: Байгалийн цогцолборт газарт барьж буй хатуу хучилттай замын эхний хэсгийг 7 дугаар сард ашиглалтад оруулна

155
БОАЖ-ын сайд Б.Бат-Эрдэнэамралтын өдрүүдэд Хөвсгөл аймагт ажиллалаа. Энэ үеэр Азийн хөгжлийн банкны санхүүжилтээр хэрэгжүүлж байгаа “Тогтвортой аялал жуулчлалыг хөгжүүлэх төсөл”-ийн хүрээнд Хөвсгөл аймгийн байгалийн цогцолбор газарт барьж буй замын ажилтай танилцлаа.

Тус ажлын  өнгөрсөн  оны гүйцэтгэл 75 хувьтай байна.  Энэ  оны 7 дугаар сард Хатгал-Жанхай-Тойлогт чиглэлийн 2 км, Хатгал-Хүзүүвчийн шил-Ашихай чиглэлийн 5,5 км замыг ашиглалтад оруулна гэдгийг төслийн гүйцэтгэгч хэлж байлаа.

Тус төслийн хүрээнд Хатгалын төв замыг Хатгал-Жанхай-Тойлогт чиглэлийн авто замтай холбох 2 км хатуу хучилттай авто зам барих, Хатгал-Жанхай-Тойлогт чиглэлийн 30.4 км хатуу хучилттай авто зам барих юм.
Мөн Хатгал-Хүзүүвчийн шил-Ашихай чиглэлийн 5.5 км хатуу хучилттай авто зам барих, Хатгал орчмын 7 байршилд авто зогсоол барьж,  Хөвсгөл нуурын байгалийн цогцолборт газарт 2 чиглэлд явган болон морин аяллын жим тохижуулах ажээ.

Хөвсгөл нуурын эрэг орчмын цэвдгийг хамгаалах технологийн шийдэл бүхий автозамыг ашиглалтад оруулснаар Хөвсгөл нуурын эрэг орчмын тоосжилтыг багасгах, жуулчдын тав тухтай зорчих боломжийг бүрдүүлэх, аялал жуулчлалаас оруулах эдийн засгийн үр өгөөжийг нэмэгдүүлэхэд ач холбогдолтой юм.
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд Khuvsgul.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
khuvsgul.nutag.mn