Хөвсгөл аймгийн Мөрөн сумын ерөнхий боловсролын сургуулийн хоёрдугаар ангийн сурагч алга болсон талаар бид өмнө нь мэдээлсэн. Тодруулбал, найман настай О гэх охин өнөөдөр хичээлдээ яваад ор сураггүй алга болж, ар гэрийнхэн нь эрлийн ажиллагааг эхлүүлээд байсан юм. Тэгвэл охиныг эсэн мэнд олжээ.

Эх сурвалжийн мэдээлснээр охин Арбулаг суманд байрлах гэр рүү явсан байжээ. Тус аймгийн цагдаа, онцгойгийн албан хаагчид охины ар гэрийнхэнтэй хамтран эрлийг ажиллагааг эрчимтэй явуулж, охиныг аймгийн төвөөс 50 орчим километрийн зайд байрлах хөдөө гэрээс нь олсон байна.