Монгол Улсын Ерөнхийлөгчийн санаачлагаар Хөвсгөл нуурын эко системийг хамгаалах, нуурын ёроолын аюултай хог хаягдлыг цэвэрлэх, бохирдлыг бууруулах зорилгоор живсэн тээврийн хэрэгслийн байршлыг илрүүлж тогтоох, татан гаргах ажиллагаа үргэлжилж байна. Энэ хүрээнд 1980 оны дөрөвдүгээр сард Хөвсгөл нуурт живсэн 69 машиныг  татан гаргажээ. Тухайн үед Ханх суманд Урьдчилан сэргийлэх үзлэг хийгээд буцаж явсан эмнэлгийн багийнхан живсэн бөгөөд машин дотор 8 хүн явсны дөрөв нь амьд үлдэж, дөрөв нь машинтайгаа живсэн байна. Амьд үлдсэн хүмүүсийн нэг болох их эмч, өдгөө 83 настай Л.Сэмжид нь Хөвсгөл аймгийн Тариалан суманд үр хүүхэд, ач, зээ нарын хамт амьдарч байна.