Хятадын Шулан хотод коронавирусийн 11 шинэ тохиолдол илэрсний улмаас хотыг түр хугацаагаар хааж хөл хорио тогтоожээ. Угаалгын газар ажилладаг, 45 настай эмэгтэйгээс анх коронавирус илэрсэн ба бусад хүмүүс нь эмэгтэйн ойрын хавьтлын хүмүүс байжээ. Тухайлбал, эмэгтэйн нөхөр нь, эгч дүү нар нь болон гэр бүлийн бусад гишүүд нь коронавирус туссан ба тэд бүгд  гадаад руу аялаагүй байна. Тухайн эмэгтэй одоогоор хэрхэн халдвар авсан нь тодорхойгүй байгаа юм. Тус хотын олон нийтийн бүхий л газруудыг хааж, хотын оршин суугчдыг гэртээ байхыг хүсчээ. Нийтийн тээврийг зогсоож, хотыг өндөр эрсдэлтэй ангилалд оруулсан байна. 

Шулан нь Умард Солонгостой хил залгаа орших Жилинь мужийн хот юм. Одоогоор Умард Солонгост коронавирусийн халдварын тохиолдол бүртгэгдээгүй ч зарим ажиглагч халдвар гарсан ч тус улс нуун дарагдуулж байна гэж үзэж буй.