Бразилийн Ерөнхий прокурор Пауло Гонет мягмаг гарагт тус улсын ерөнхийлөгч асан Жаир Болсонарог 2022 оны сонгуульд ялагдсаныхаа дараа албан тушаалдаа үлдэхийн тулд төрийн эргэлт хийхийг завдсан хэмээн буруутгажээ.

Түүний дараагийн ерөнхийлөгч Луиз Инасиог хордуулахыг мөн завдсан хэрэгт буруутгажээ. Болсонарогийн төрийн эрхийг булаах оролдлого хийхэд 33 хүн оролцсон хэмээн хамт шалгагдсан аж. Тэд одоогийн ерөнхийлөгчийг хордуулсны дараа экс ерөнхийлөгчийн гол дайсан гэгддэг Дээд шүүхийн шүүгч Александр де Мораесийг буудан хөнөөхөөр төлөвлөсөн байсан бөгөөд яллах дүгнэлт бүхий 272 хуудас баримтыг танилцуулсан байна. Сонгуулийн тогтолцоонд үл итгэлцлийг бий болгох замаар хуйвалдаан хийж, үүнийхээ араас цэргийн тогтоол боловсруулсан бөгөөд цэргийн дээд албан тушаалтнуудыг төлөвлөгөөг нь хэрэгжүүлэхийг шахсан хэмээн уг яллах дүгнэлтэд дурджээ.