Дэлхий дахинд - Хөвсгөл аймаг http://khuvsgul.nutag.mn/ ru Дэлхий дахинд - Хөвсгөл аймаг DataLife Engine Өмнөд Солонгосын нэгэн тосгонд сүүлийн 17 жилд анх удаа хүүхэд мэндэлжээ http://khuvsgul.nutag.mn/index.php?newsid=3151 http://khuvsgul.nutag.mn/index.php?newsid=3151
Өмнөд Солонгосын Юнха-мёон тосгонд сүүлийн 17 жилд анх удаа хүүхэд мэндэлж, цорын ганц бага сургуульд нь дөрвөн сурагч шинээр элсэн оржээ. Хүн ам нь жил ирэх тусам буурч буй тус тосгоны хувьд энэ хоёр зүйл нь маш ховор тохиолдол юм.
БНСУ-ын Хонсон хошууны албаны хүмүүс мягмар гарагт /2026.03.25/ мэдээлэхдээ, Камбожоос ирсэн цагаач Срэйдани болон түүний нөхөр Жон Хэ Док нар гуравдугаар сарын 19-ний өдөр Ён Жүн нэртэй хүүтэй болсон байна.
Орон нутгийн иргэд энэ мэдээг баяртайгаар хүлээн авч тэмдэглэжээ. Юнха-мёоны албаныхан тосгон даяар баярын лоозон, самбар хадсан байна. Нэгэн самбар дээр дээр "2026 онд Юнха-мёонд ирсэн онцгой бэлэг. Жон Хэ Док болон Срэйдани нарын хүү Жон Ён Жүн мэндэлсэнд баяр хүргэе" гэж бичжээ.
Энэ сард тус тосгоны бага сургуулийн нэгдүгээр ангид дөрвөн сурагч шинээр элсэн орсноор нийт сурагчдын тоо 17 болсон байна. Энэ хоёр үйл явдал нь тус улсад нүүрлээд буй хүн ам зүйн хямрал бүс нутгаас хамаарч хэр ялгаатай байгааг харууллаа.
Юнха-мёон тосгоны хүн ам сүүлийн арван жилийн турш тасралтгүй буурч байгаа юм. Тоон мэдээллээс үзвэл, оршин суугчдын тоо 2015 онд 2,628 байсан бол 2022 онд 2,197, 2023 онд 2,153 болж буурчээ. Хүн амын тоо 2024 онд 2,057 болж, өнгөрсөн оны долоодугаар сард 1,991 болсон байна.
Гуравдугаар сарын 19-ний байдлаар тус тосгонд 1,134 өрх, 1,954 оршин суугч бүртгэгджээ. Гэхдээ Хонсон хошуунд Юнха-мёоноос илүү бага хүн амтай нэг тосгон байдаг аж.
Юнха-мёон тосгоны дарга Шим Сон Жа хэлэхдээ, 17 жилийн дараа анх удаа хүүхэд мэндэлж, шинэ сурагчид элссэн нь бүх бүс нутгийн хувьд маш их баяр баясал авчирсан явдал боллоо гэжээ.
Тэрбээр нэмж "Юнха-мёоныг хүүхэд өсгөхөд таатай, хүн бүрийн амьдрахыг хүсдэг газар болгохын тулд захиргааны зүгээс чадах бүхнээ хийх болно" хэмээсэн юм.
Өмнөд Солонгос бол дэлхий дээрх хамгийн бага төрөлтийн түвшинтэй улс. 2025 онд тус улсын төрөлтийн түвшин 0.8 байсан нь 2024 оноос өссөн үзүүлэлт юм. Гэхдээ хөгжингүй орнууд хүн амынхаа тоог тогтвортой барихын тулд төрөлтийн түвшин 2.1 байх ёстой гэж мэргэжилтнүүд үздэг.
Эх сурвалж: Korea Times
]]> zulaa Tue, 31 Mar 2026 10:19:41 +0800 Хариу цохилт өгөхөд бэлэн байгаагаа Булангийн орнууд анхааруулжээ http://khuvsgul.nutag.mn/index.php?newsid=3146 http://khuvsgul.nutag.mn/index.php?newsid=3146
ДОХА, 2026 оны гуравдугаар сарын 2 /BBC/. Катар, Саудын Араб, АНЭУ, Кувейт, Оман, Бахрейн улсуудын Гадаад хэргийн сайд нар ням гарагт Булангийн орнуудын хамтын ажиллагааны зөвлөлийн хурлыг цахимаар хийж, хамтарсан мэдэгдэл гаргажээ. Уг мэдэгдэлд эдгээр орон Ираны цохилтод хариу арга хэмжээ авах эрхээ хэрэгжүүлэхэд бэлэн байгааг анхааруулсан байна. 

“Персийн булангийн орнууд аюулгүй байдал, тогтвортой байдал, түүнчлэн нутаг дэвсгэр, иргэдээ хамгаалахын тулд шаардлагатай бүх арга хэмжээг авах, тухайлбал, түрэмгийлэлд хариу арга хэмжээ авах эрхтэй” гэж хурлын дараа гаргасан мэдэгдэлд дурдсан байна.

Түүнчлэн олон улсын хууль тогтоомжийн дагуу “хариу цохилт өгөх хууль ёсны эрх болон өөрийгөө хамгаалах эрхээ” хадгалж буйг онцолжээ. Мөн Ираны талд хандан “цохилтоо даруй зогсоох”-ыг уриалаад, Персийн булангийн бүс нутгийн тогтвортой байдал нь зөвхөн бүс нутгийн асуудал бус дэлхийн эдийн засгийн тогтвортой байдлын үндэс суурь гэдгийг онцолжээ.



Д.Жаргал
Эх сурвалж: "Монцамэ" агентлаг
]]> zulaa Mon, 02 Mar 2026 15:46:10 +0800 Норвегийн дипломат Эпштейнтэй холбоотой байсан нь илэрсэн тул огцорлоо http://khuvsgul.nutag.mn/index.php?newsid=3144 http://khuvsgul.nutag.mn/index.php?newsid=3144
Норвегийн Гадаад хэргийн яам ням гарагт /2026.02.08/ мэдэгдэл хийхдээ нэр нөлөө бүхий дипломат Мона Жуул ноцтой алдаа гаргасан тул албан тушаалаа хүлээлгэн өгнө гэжээ. Жуул нас барсан бэлгийн хүчирхийлэгч Жеффри Эпштейнтэй холбоотой байсан нь тодорсон юм.  Тэрбээр Иордан, Ирак дахь элчин сайдаар ажилладаг байжээ.
66 настай Жуул өмнө нь засгийн газрын сайд, Израил, Их Британи, НҮБ дахь Норвегийн элчин сайдаар ажиллаж байсан юм. Түүнийг төлөөлж буй өмгөөлөгч Томас Скельбред мэдэгдэл хийхдээ одоогийн нөхцөл байдал нь үүрэгт ажлаа гүйцэтгэх боломжгүй болгосон байсан тул сайн дураараа огцрох шийдвэр гаргасан гэжээ. Скельбред “Мона Жуул энэ асуудлаарх холбогдох бүх баримтуудыг ил болгохын тулд Гадаад хэргийн яамтай хамтран ажилласаар байх болно” хэмээсэн юм.
Норвегийн Гадаад хэргийн сайд Эспен Барт Эйде Жуул бэлгийн хүчирхийлэгч Эпштейнтэй холбогдсон нь тэр ноцтой алдаа гаргасныг харуулж байна. Энэ хэрэг түүний албан тушаалд шаардлагатай итгэлцлийг сэргээхэд хүндрэл учруулна“ гэж мэдэгдэл гаргажээ.
Эх сурвалж: Reuters
]]> zulaa Mon, 23 Feb 2026 15:50:24 +0800 Испанид хоёр галт тэрэг мөргөлдөж 21 хүн амь үрэгджээ http://khuvsgul.nutag.mn/index.php?newsid=3136 http://khuvsgul.nutag.mn/index.php?newsid=3136
Испанийн хойд бүсэд хурдны галт тэрэг замаасаа гарч нөгөө талаас ирж байсан галт тэрэгтэй мөргөлдсөний улмаас 21 хүн нас барсан байна. Малага-Мадрид чиглэлийн 300 хүн тээвэрлэж явсан галт тэрэг орон нутгийн цагаар 19:45 минутын орчим замаасаа гарч, Мадрид-Хуелва чиглэлийн 200 хүн тээвэрлэж явсан галт тэрэгтэй мөргөлджээ.
Тус улсын Зам тээврийн сайд Оскар Пуэнте ослын шалтгаан тодорхойгүй байна гэж мэдэгдсэн юм. Өнгөрсөн жилийн тавдугаар сард засварласан, хавтгай зам дээр галт тэрэг замаасаа гарсан гэж тэр хэлсэн байна. Мөн замаас гарсан галт тэрэг нь дөрвөн жилийн өмнө л ашиглалтад орж байсан аж.
Замаас нь гарсан галт тэргийг “Iryo” компани эзэмшдэг бол хоёр дахь галт тэргийг “Renfe” эзэмшдэг. Ослын дараа “Iryo” мэдэгдэл хийхдээ, осол гарсан гүнээ харамсаж байна гэсэн юм. Европын комиссын Ерөнхийлөгч Урсула фон дер Лейен Х дээр мэдэгдэл хийхдээ хохирогчдод санаа зовж буйгаа илэрхийлжээ.
Эх сурвалж: AP
]]> zulaa Wed, 21 Jan 2026 10:24:50 +0800 Зеленский зүүн өмнөд фронт дээрх цэргүүдтэйгээ уулзжээ http://khuvsgul.nutag.mn/index.php?newsid=3075 http://khuvsgul.nutag.mn/index.php?newsid=3075
Украины Ерөнхийлөгч Владимир Зеленский өнгөрсөн пүрэв гарагт  зүүн өмнөд бүсэд байлдаж буй цэргүүдтэйгээ уулзжээ. Тус фронтод байлдаан эрчимжиж, ОХУ-ын цэргүүд бага багаар ахиц гаргаж байгаа юм.
Зеленский цэргүүдтэй уулзсаны дараа мэдэгдэл хийхдээ Орихов тосгоны ойролцоох нөхцөл байдал хамгийн хүнд байгаа гэв. Түүний хэлснээр Орихов тосгоны ойролцоо ОХУ-ын цэргүүдийг дарах нь Запорожье хотыг хамгаалах гол түлхүүр юм. Зеленский цэргүүдэд медаль гардуулж өгөхдөө “Запоржье бол чухал хот. Тийм ч учраас дайснууд хяналтдаа авахыг хүсэж байгаа” гэжээ.
2022 оноос хойш Украины дайнд аль нэг тал нь томоохон ахиц гаргаагүй байна. Харин 2023 оны сүүлээс Москвагийн хүчин бага багаар фронт дээр ахиц гаргаж буй. ОХУ-ын цэргүүд зүүн фронт дээрх стратегийн ач холбогдол бүхий Покровск хотыг эзэлж авахад ойртож, мөн Купянск хот руу эрчимтэй довтолж байгаа юм.
]]> zulaa Fri, 14 Nov 2025 17:18:09 +0800 Дани улсад 15-аас доош насны хүүхдүүд цахим платформ ашиглах боломжгүй болох нь http://khuvsgul.nutag.mn/index.php?newsid=3019 http://khuvsgul.nutag.mn/index.php?newsid=3019
Дани улсын Засгийн газраас 15-аас доош насны хүүхдүүд цахим платформ ашиглахыг хориглох тухай хуулийн төслийг албан ёсоор танилцууллаа. Тус улсын Ерөнхий сайд Метте Фредериксен эл төлөвлөгөөг парламентын намрын чуулганы нээлтийн үеэр танилцуулсан бөгөөд энэ нь хүүхэд, залуучуудын сэтгэцийн эрүүл мэндэд анхаарсан дэлхий нийтийн бодлогын нэг хэсэг болохыг онцолжээ. Тэрбээр энэ үеэр “Гар утас, цахим орчин, техник, технологийн хэт хөгжил нь бидний хүүхдүүдийн бага насыг хулгайлж байна” хэмээв. Гэхдээ ямар платформуудыг хориглож, хэрхэн хянах нь одоогоор тодорхойгүй байна. Энэхүү журмыг 2026 оны нэгдүгээр улирлаас хэрэгжүүлэх гэнэ.
Тус улсын Статистикийн газрын судалгаагаар 11-19 насны хөвгүүдийн 60 хувь нь амралтаараа найзуудтайгаа уулзахын оронд цахим орчинд мэдээлэл солилцохыг илүүд үздэг болохыг тогтоосон байна. Мөн долоодугаар ангийн сурагчдын 94 хувь нь 13 нас хүрэхээсээ өмнө цахим сүлжээнд хувийн хаягтай болсон аж.
Ташрамд дурдахад, манай улсад Цахим орчинд хүүхдийг хориотой болон хүүхдэд хортой агуулгаас урьдчилан сэргийлэх, хамгаалах журмын дагуу хүүхдийг цахим орчны сөрөг нөлөөллөөс хамгаалах зохицуулалт хэрэгжүүлдэг юм.
]]> zulaa Wed, 15 Oct 2025 14:16:31 +0800 АНУ-ын засгийн газар үйл ажиллагаагаа хэсэгчлэн зогсоож байна http://khuvsgul.nutag.mn/index.php?newsid=3013 http://khuvsgul.nutag.mn/index.php?newsid=3013
ВАШИНГТОН, 2025 оны аравдугаар сарын 1 /BBC/. АНУ-ын Сенат Засгийн газрын санхүүжилтийг үргэлжлүүлэх тухай хоёр хуулийн төслөөс нэгийг нь ч баталж чадаагүй тул лхагва гаргаас эхлэн тус улсын засгийн газрын зарим байгууллага ажлаа зогсоож байна. 

Мягмар гарагт Сенат санхүүжүүлтийг үргэлжлүүлэх тухай Ардчилсан намын хуулийн төсөл олонхын саналаар буцаасан блд дараа нь Бүгд найрамдах намын хуулийн төслийг баталж чадаагүй байна. Учир нь тус нам Сенатын танхимд 100 суудлаас 53-ыг нь эзэлдэг хэдий ч хуулийн төслийг батлахын тулд 60 санал хэрэгтэй байв. 

Үүний улмаас АНУ-ын Зүүн эргийн цагаар лхагва гаргийн шөнө дундаас эхлэн засгийн газрын байгууллагууд ажлаа зогсооно, гэхдээ бүх байгууллагын ажил зогсохгүй. Цагаан ордны Удирдлага, төсвийн газар мягмар гаргийн орой санамж бичиг гаргаж, шатдаун болно гэдгийг баталж, үүнд Ардчилсан намынхныг буруутгажээ. 

Төсвийн маргаан нь Америкийн улс төрд нийтлэг тохиолддог ч Трамп сүүлийн есөн сард засгийн газрын орон тоо, зардлыг тогтмол танасан тул энэ удаад зардлын асуудлаар онцгой ширүүн санал зөрөлдөж байна. 

Сүүлийн 7 жилийн хугацаанд Америкийн засгийн газар үйл ажиллагаагаа анх удаагаа зогсоож байна. Хамгийн сүүлд засгийн газрын үйл ажиллагаа Д.Трампын ерөнхийлөгчийн бүрэн эрхийн эхний хугацаанд 2018 оны сүүлчээр зогсож байв. Даваа гарагт Д.Трамп Конгресс дахь Ардчилсан нам ба Бүгд найрамдах намын бүлгүүдийн удирдагчидтай уулзсан боловч тохиролцоонд хүрч чадаагүй юм. 



Д.Жаргал
Эх сурвалж: "Монцамэ" агентлаг
]]> zulaa Wed, 01 Oct 2025 16:10:17 +0800 Дональд Трамп Сирийн эсрэг хоригийг цуцлах зарлигт гарын үсэг зурлаа http://khuvsgul.nutag.mn/index.php?newsid=2970 http://khuvsgul.nutag.mn/index.php?newsid=2970
Зургаадугаар сарын 30-нд АНУ-ын Ерөнхийлөгч Д.Трамп Сирийн эсрэг хоригийг цуцлах зарлигт гарын үсэг зурсан гэлээ.
Тодруулбал Сирид зарим төрлийн бараа бүтээгдэхүүн экспортлоход тавих хяналтыг сулруулж, улмаар гадаадын тодорхой тусламж авах хязгаарлалтаас чөлөөлөхөөр болжээ.

Үүнтэй холбоотойгоор АНУ-ын Сангийн яам Сирийн эрх баригч нам, Сирийн Төв банк болон төрийн өмчит аж ахуйн нэгжүүдтэй холбоотой санхүүгийн гүйлгээ хийх зөвшөөрлийг олгосон бөгөөд АНУ-ын Төрийн департамент ч 180 хоногийн хугацаанд үйлчилж байсан хориг арга хэмжээг цуцалсан байна.


АНУ-ын Цагаан ордон мэдэгдэлдээ, Сирийн тогтвортой байдлыг хангах, терроризмын эсрэг тэмцлийг дэмжих, мөн Сирийн гол тэргүүлэх чиглэлүүдийн ахиц дэвшлийг хянаж ажиллахаа онцоллоо. Үүний зэрэгцээ, АНУ хэт даврагч "Лалын улс" бүлэглэл болон түүний холбоотнууд, мөн "Ираны итгэмжлэгдсэн төлөөлөгч"-д хориг арга хэмжээ авахын зэрэгцээ Сирийг "терроризмыг дэмжигч улс"-ын жагсаалтад үлдээх эсэх асуудлыг үргэлжлүүлэн хэлэлцэнэ гэдгээ мэдэгдлээ. Түүнчлэн НҮБ-аас Сирийн эсрэг тавьсан хориг арга хэмжээг цуцлах асуудлыг Америк дэмжих хүсэлтэй байгаагаа илэрхийлжээ.

Г.Бямба
https://sonin.mn/newsDetail/11255
]]> zulaa Tue, 01 Jul 2025 14:15:39 +0800 Трамп: Би Байденыг өрөвдөхгүй байна, тэр бол муу хүн http://khuvsgul.nutag.mn/index.php?newsid=2955 http://khuvsgul.nutag.mn/index.php?newsid=2955
АНУ-ын Ерөнхийлөгч Дональд Трамп өмнөх Ерөнхийлөгч Жо Байденыг хорт хавдраар өвчилсөн тухай мэдээлэл гарсан ч түүнийг "өрөвдөхгүй байна" гэж мэдэгджээ. Тэрбээр энэ талаар баасан гарагт Зууван танхимд хэлсэн гэж Forbes сэтгүүл мэдээлсэн байна.

"Хэрэв та түүнийг өрөвдөж байгаа бол түүнд нэг их харамсах хэрэггүй, учир нь тэр бол муу хүн. Тэр өөрийн улс төрийн өрсөлдөгчдөө болон түүний бүх хүмүүсийг гомдоосон шигээ... Байден олон хүнийг гомдоосон, тиймээс би түүнийг үнэхээр өрөвдөхгүй байна" гэж Трамп хэлжээ.

Мөн тэрбээр Байден өөрийгөө "ухаалаг хүн шиг биш, харин ямар нэг хэмжээгээр муу хүн" гэдгээ харуулсан гэж нэмж хэлсэн байна. Өмнө нь Ерөнхийлөгч Трамп Байденыг хорт хавдартай гэж оношлогдсон тухай мэдээлэл цацагдсаны дараа хийсэн анхны тайлбартаа түүнийг хурдан эдгэрэхийг хүсэн ерөөж байсан ч дараа нь түүний өвчний талаарх мэдээлэл саяхан ил болсонд гайхаж байгаагаа илэрхийлжээ.

Өмнө нь Жо Байден түрүү булчирхайн хорт хавдрын эмчилгээ хийлгэж эхэлснээ мэдээлсэн бөгөөд тэрбээр Делавэрт үг хэлэх үеэрээ энэ тухай дурьдсан байна.

Тэрбээр "Бүх зүйл эм уухаас шалтгаална. Дараагийн зургаан долоо хоногт нэг тусгай эм, дараа нь өөр нэг эм ууна. Энэ нь ямар ч эрхтэнд нөлөөлөхгүй. Миний яс хүчтэй" гэж хэлсэн бөгөөд Байден  өөрийнх нь биеийн байдал сайн байгаа, бүрэн эдгэрнэ гэж найдаж байна гэж нэмж хэлжээ.
 


Ж.Бат 
Эх сурвалж: trt.global
]]> zulaa Tue, 03 Jun 2025 11:15:50 +0800 Төв Азийн эргэн тойронд http://khuvsgul.nutag.mn/index.php?newsid=2910 http://khuvsgul.nutag.mn/index.php?newsid=2910
Дэлхийн хүчний динамик тогтворгүй байгаа энэ үед Төв Азийн улс орнууд баруунтай харилцаагаа өргөжүүлэх алхмуудыг эрчимтэй хэрэгжүүлж байна. Орос Украины дайн эхэлснээр тус бүс нутагт Оросын нөлөө суларсан ч Д.Трамп дахин ерөнхийлөгчөөр сонгогдсоноор дайн ойрын хугацаанд дуусах магадлал өсөж байна.

Энэ нь Төв Азид Оросын нөлөө дахин нэмэгдэх боломжийг бий болгох тул бүс нутгийн орнууд хоорондын газар нутгийн маргаанаа шийдвэрлэн, өрнөдийн түншлэлээ бататгаж, эдийн засгаа төрөлжүүлж, БНХАУ болон ОХУ-ын сүүдрээс гарахыг яаравчилж байгаа юм.

Тодруулбал, 2022 оны 9 дүгээр сард Тажикистан – Киргизийн хилийн зурваст танк, миномёт, пуужин, дрон зэргийг ашигласан, нийтдээ 100 гаруй хүн амь үрэгдэж, 130 000 гаруй хүн орон гэрээ орхиход хүрсэн хүчтэй зэвсэгт мөргөлдөөн болсон. Энэ асуудлаар 2025 оны 3-р сарын 13-нд хоёр тал уулзан, 970 км урт хилийн шугамыг тодорхойлж, 31-нд болсон Тажикистан, Узбекистан болон Киргизийн төрийн өндөрлөгүүдийн дээд хэмжээний уулзалтын үеэр хэлэлцээрийг эцэслэн баталжээ. Мөн тус уулзалтаар Ферганы хөндийн гурван улсын хилийн уулзварыг албан ёсоор баталгаажуулж “Хужандын тунхаг бичиг”-т гурван улсын төрийн өндөрлөгүүд гарын үсэг зурсан байна. Түүнчлэн, уг уулзалтын үеэр Э.Рахмон, М.Шавкат нар ганцаарчилсан уулзалт хийн Тажикистан болон Узбекистан хоорондын холбоотны харилцааны тухай гэрээг соёрхон батлах протоколд гарын үзэг зурсан юм. Гурван талт дээд хэмжээний уулзалтын дараахан 4 дүгээр сарын 4-нд Узбекистан улсын Самарканд хотноо “Төв Ази-Европын холбоо” дээд хэмжээний анхны уулзалт зохион байгуулагдав. Уулзалтад Төв Азийн таван орны ерөнхийлөгчдөөс гадна Европын Зөвлөлийн дарга Антонио Коста, Европын Комиссын ерөнхийлөгч Урсула фон дер Ляйен нар оролцсон байна.

Эрчим хүч болон ногоон шилжилтийн чиглэлээр хамтын ажиллагааг эрчимжүүлэхийн тулд дээд хэмжээний уулзалтын үеэр Европын Холбоо болон Төв Азийн улс орнуудын газрын ховор элементийн тогтвортой нийлүүлэлтийн сүлжээг бий болгох “Газрын ховор металлын талаарх хамтын санаа зорилгын тунхаг”-ыг үзэглэсэн юм.

Дээд түвшний уулзалтын төгсгөлд түншлэлийн харилцаагаа шат ахиулан стратегийн түншлэл тогтоож хамтарсан тунхагт талууд гарын үсэг зурж, хоёр бүс нутгийн хүмүүнлэг, эдийн засаг, технологийн интеграцчлалд чиглэсэн багц санамж бичгүүдийг баталжээ. Уулзалтаас гарсан шийдвэрүүдийн хэрэгжилтийг хангах үүднээс Шадар сайдын түвшинд жил бүр хуралддаг байнгын ажиллагаатай Түншлэлийн хороог байгуулахаар тохиролцсон байна. Үүнээс гадна, Төв Азийн бүс нутагт 12 тэрбум еврогийн хөрөнгө оруулалтыг тээвэр, дижитал холболт, ногоон энерги болон чухал түүхий эдийн салбарт тус тус оруулахаар болсон юм. Төв Азийн орнууд ЕХ-ноос гадна АНУ-тай 2023 онд C5+1 Ерөнхийлөгчдийн дээд хэмжээний уулзалтын үеэр Стратегийн түүхий эдийн яриа хэлэлцээ хийсэн ба Нью Йоркийн тунхаглал байгуулсан юм.

Түүнчлэн АНУ ховор металлын салбарт хамтран ажиллах санамж бичгийг Казахстан болон Узбекистантай үзэглээд байгаа бол бусад улстай яриа хэлэлцээний түвшинд явагдаж байна.

Дээрх үйл явдлуудаас харвал Төв Азийн орнууд дотоод зөрчилдөөнөө хурдан шийдэж, барууны орнуудтай хамтын ажиллагаагаа бататгахаар зорьж байна. Эдгээр үйл явдал нь дипломат харилцаа сайжирч, эдийн засгийн интеграцчлал, бүс нутгийн аюулгүй байдал бэхжиж байгааг харуулж байгаа ч иргэдийн үзэл санаа, усны нөөцийн маргаан, гаднын геополитикийн нөлөөлөл гэх зэрэг сорилтууд байсаар байна. Төв Ази Орос болон Хятадын нөлөөнөөс зайлсхийж Европ болон АНУ-г “налж”, үүд хаалгаа өргөнөөр нээх эрмэлзлүүд ажиглагдаж байна. Түүнчлэн АНУ болон Европын санаачилгыг уриалгахан хүлээн авч, дээрх хоёр тивд Хятадын ховор металлаас хамаарах хамаарлыг бууруулахад туслахын зэрэгцээ өөрсдийн эдийн засгийг дээшлүүлж “win-win” нөхцөл бий болгохоор оролдож байна.  


Аюулгүй Байдал судлалын хүрээлэн бэлтгэв
]]> zulaa Fri, 18 Apr 2025 11:43:23 +0800