Хөвсгөл аймаг http://khuvsgul.nutag.mn/ ru Хөвсгөл аймаг DataLife Engine Пап Леогийн уушгины хорт хавдрын онош батлагджээ http://khuvsgul.nutag.mn/index.php?newsid=3185 http://khuvsgul.nutag.mn/index.php?newsid=3185
ВАТИКАН, 2026 оны аравдугаар сарын 14 /TASS/. Ромын Пап XIV Леогийн уушгинд үүссэн хорт хавдрыг мэс заслын аргаар авсан тухай түүнд мэс засал хийж, эмчилгээг нь хариуцаж буй эмч нар болох Стефано Маргаритор, Луижи Карбоне нар мэдэгджээ.

“Мэс заслын өмнөх шинжилгээний хариуд үндэслэн таамаглаж байсанчлан, эдийн яаралтай шинжилгээгээр уушгины булчирхайлаг хучуур эдээс үүсдэг хорт хавдар болох аденокарцинома болох нь батлагдсан” гэж эмч нарын мэдэгдэлд дурдсан байна.

Дурангийн мэс заслын аргаар түүний баруун уушгины доод хэсгийг авсан байна. Өдгөө 71 настай Пап ламд хийсэн мэс засал гурав орчим цаг үргэлжилжээ.



Д.Жаргал
Эх сурвалж: "Монцамэ" агентлаг
]]> zulaa Wed, 14 Oct 2026 15:09:39 +0800 Зөрчлийн тоо 1.4 дахин өсөж, 202 тэрбум төгрөгийн торгууль ногдуулжээ http://khuvsgul.nutag.mn/index.php?newsid=3184 http://khuvsgul.nutag.mn/index.php?newsid=3184
Зөрчлийн бүртгэл мэдээллийн нэгдсэн санд 2026 оны III улирлын байдлаар нийт 7,415,455 зөрчил бүртгэгдсэн байна. Энэ нь өмнөх оны мөн үеийн үзүүлэлтээс 1.4 дахин өссөн үзүүлэлт болжээ.
Бүртгэгдсэн зөрчлийн 89.8 хувь нь нийслэлд, үлдсэн 10.2 хувь нь орон нутагт бүртгэгдсэн байна.
Зөрчил шалган шийдвэрлэх ажиллагааг нийт бүртгэгдсэн зөрчлийн 99.6 хувьд цагдаагийн байгууллага, 0.4 хувьд Гадаадын иргэн, харьяатын газар, Гаалийн байгууллага, Нийгмийн даатгал, Татвар болон бусад эрх бүхий байгууллага хэрэгжүүлжээ.

Нийт зөрчлийн 98.5 хувийг газар дээр нь шийдвэрлэжээ

Бүртгэгдсэн нийт зөрчлийн 7,301,026 буюу 98.5 хувьд нь газар дээр нь хялбаршуулсан журмаар шийтгэл оногдуулсан байна.
Харин 69,174 буюу 0.9 хувийг бүртгэлд авч хялбаршуулсан журмаар, 5,992 буюу 0.1 хувьд эрх бүхий албан тушаалтан зөрчлийн хэрэг бүртгэлтийн ажиллагаа явуулж, шийтгэл оногдуулжээ. Мөн 39,263 буюу 0.5 хувийг шүүхээр шийдвэрлэсэн байна.
Зөрчил шалган шийдвэрлэх ажиллагааны хүрээнд 7,100,262 хүн, 302,226 хуулийн этгээдэд нийт 202 тэрбум 354 сая төгрөгийн торгууль ногдуулжээ.
Үүнээс 110 тэрбум 637 сая төгрөг буюу 54.7 хувь нь төлөгдсөн байна.

“Танхайрах” зөрчил 33.8 хувиар нэмэгджээ

Зонхилон үйлдэгдсэн зөрчлийг өмнөх оны мөн үетэй харьцуулахад хэд хэдэн төрлийн зөрчил өссөн байна.
Тухайлбал:
  • “Замын хөдөлгөөний аюулгүй байдлын тухай хууль зөрчих” зөрчил 7,193,198 буюу 1.3 дахин;
  • “Жолоочийн даатгалын тухай хууль зөрчих” зөрчил 26,797 буюу 22.9 дахин;
  • “Танхайрах” зөрчил 10,440 буюу 33.8 хувиар тус тус өсжээ.
Харин зарим төрлийн зөрчил буурсан байна. Үүнд:
  • “Олон нийтийн газарт зүй бусаар биеэ авч явах” зөрчил 95,829 буюу 23.2 хувиар;
  • “Автотээврийн тухай хууль зөрчих” зөрчил 25,549 буюу 3.1 хувиар;
  • “Хүний биед халдах” зөрчил 8,488 буюу 40.8 хувиар;
  • “Гэр бүлийн хүчирхийлэлтэй тэмцэх тухай хууль зөрчих” зөрчил 7,164 буюу 25.2 хувиар;
  • “Автозам, замын байгууламж, тэмдэг, тэмдэглэлийг гэмтээх, өөрчлөх, бохирдуулах” зөрчил 2,546 буюу 72.5 хувиар тус тус буурсан байна.
]]> zulaa Thu, 08 Oct 2026 16:33:25 +0800 Ерөнхийлөгч У.Хүрэлсүх Хөвсгөл аймгийн иргэдтэй уулзав http://khuvsgul.nutag.mn/index.php?newsid=3183 http://khuvsgul.nutag.mn/index.php?newsid=3183
Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх Хөвсгөл аймагт ажиллаж байна. Ерөнхийлөгчийг аймгийн төв талбайд хүрэлцэн ирэхэд Мөрөн цэргийн хүрээний хүндэт харуул угтаж авлаа.
Аймгийн Засаг дарга Л.Төмөрбаатар иргэдтэй хийх уулзалтыг нээж хэлэхдээ, Ерөнхийлөгчийн бодлого, үйл ажиллагаа, санаачилсан үндэсний хөдөлгөөн, хөтөлбөрийг үр дүнтэй хэрэгжүүлэх нь аймгийн төр, захиргааны байгууллага, хувийн хэвшлийн үндсэн зорилтуудын нэг гэдгийг тодотгов.

Энэ хүрээнд байгаль орчин, мал аж ахуй, газар тариалан, хүнс үйлдвэрлэл, малын гаралтай түүхий эдийн боловсруулалтыг нэмэгдүүлэх, иргэдийнхээ эрүүл мэнд, боловсрол, хүний нөөцийн чадавхыг бэхжүүлэх бодлогоо дээрх хөдөлгөөн, хөтөлбөрүүдтэй уялдуулж байгааг хэллээ.

Ерөнхийлөгч Хөвсгөл нуурыг төрийн тахилгатай болгох зарлиг гаргасан нь далай ээжээ дээдэлдэг Хөвсгөлчүүд төдийгүй Монголын ард түмний хүсэн хүлээж байсан шийдвэр байсныг онцлов.
сонин mn

Ерөнхийлөгч У.Хүрэлсүх, үе үеийн эх орончид, төр, нийгмийн нэрт зүтгэлтнүүд, эрдэмтэн мэргэд, урлаг, спортын алдартнууд төрөн гарсан, Хорьдол сарьдаг, Саяны нуруу, Бүрэнхаан уул, төрийн тахилгат Хөвсгөл нуур тэргүүтэй нутгаа сахин суугаа иргэдтэй уулзаж байгаадаа баяртай байгаагаа илэрхийлэв.
Тэрбээр бодлого, үйл ажиллагаа, гадаад харилцаа, улсын нийгэм, эдийн засгийн өнөөгийн байдал, “Тэрбум мод”, “Хүнсний хувьсгал”, “Цагаан алт”, “Ерөнхийлөгчийн илгээлт-2100”, “Эрүүл монгол хүн” хөдөлгөөн, хөтөлбөрийн үр дүнгийн талаар товч танилцууллаа.

сонин mn




Эдийн засаг 6.8 хувиар өсөн, нэг хүнд ногдох Дотоодын нийт бүтээгдэхүүн 7,000 ам.доллар давж, худалдаа, хөрөнгө оруулалт нэмэгдэн, гадаад валютын нөөц 7 тэрбум ам.доллар болж, 745 мянган тн үр тариа, ургац хураан авсанд аймгийн төр, захиргааны байгууллага, хувийн хэвшил, иргэдийн хувь нэмэр их байсныг тэмдэглэв.

Гадаад харилцаа өргөжин, 21 улсын төрийн тэргүүн айлчилж, улсын нэр хүнд олон улсын тавцанд өсөн бэхэжсэн жилүүд болж байгааг онцоллоо.
сонин mn

“Цагаан алт” хөтөлбөрийн дүнд самнасан ноолуурын экспорт гэхэд л 5 дахин өсөж 330 сая ам.долларт хүрсэн.

“Хүнсний хувьсгал” хөдөлгөөний хүрээнд 53 хүнсний үйлдвэр шинээр ашиглалтад орж, 1,000 гаруй нэр төрлийн хүнсний бүтээгдэхүүнийг шинээр үйлдвэрлэж, зах зээлд нийлүүлдэг болсон. “Тэрбум мод” үндэсний хөдөлгөөний хүрээнд 116 сая мод тарьж, ургуулсан. Энэ бүхэнд Хөвсгөлчүүдийн оруулсан хувь нэмэр их байгааг хэлэв.
сонин mn

Эрчим хүч, нефтийн бүтээгдэхүүн, хүнс, цемент, ган, бордооны хэрэгцээг дотоодоосоо хангаж, улмаар экспортлогч орон болоход хүн бүрийн оролцоо, хичээл зүтгэл чухал байгааг тэмдэглэлээ.

“Ерөнхийлөгчийн илгээлт-2100” хөтөлбөрийн хүрээнд 21 улсад 1,355 оюутан суралцаж байгаагийн 50 гаруй нь Хөвсгөл аймгийнх юм.
сонин mn

Эдгээр хүүхэд дэлхийн боловсрол эзэмшиж, орон нутаг, эх орныхоо хөгжил дэвшил, ирээдүйн сайн сайхны төлөө хүчин зүтгэх үндэсний сэхээтэн, манлайлагч болно гэдэгт итгэл төгс байгаагаа Ерөнхийлөгч хэллээ.
сонин mn

Цаашид бүх шатанд сахилга, хариуцлагыг чангатган, ёс зүйтэй байж, төр, засаг, түмэн олноороо ололт, амжилтаа бататган, эвийг эрхэмлэж, зөвийг тэтгэн, эх орноо хөгжүүлэхийн төлөө үндэстнээрээ хичээн зүтгэхийг уриалав.
]]> zulaa Mon, 05 Oct 2026 09:36:41 +0800 Аймгууд өвөлд бэлэн үү http://khuvsgul.nutag.mn/index.php?newsid=3182 http://khuvsgul.nutag.mn/index.php?newsid=3182
Энэ удаагийн “Хэн юу хэлэв” буландаа аймгууд өвөлд хэрхэн бэлдэж, бэлтгэл ажлаа хэрхэн хангаж байгаа талаар тодрууллаа.

Орхон аймгийн Засаг дарга Б.Зоригтбаяр: Аравдугаар сарын 20-н гэхэд өвөлжилтийн бэлтгэл ажил дуусна

-Бид өвөлжилтийн бэлтгэлд170 гаруй ажил төлөвлөж, одоогоор 85 хувийн гүйцэтгэлтэй явж байна. Эдгээрээс эрчим хүч, инженерийн байгууламж, дэд бүтэцтэй холбоотой өвөлжилтийн бэлтгэл ажлууд бага зэрэг удаашралтай явагдаж байна. Хадлан, ургац хураалт зэрэг ХАА-н бэлтгэл ажлууд 80 орчим хувьтай явж байна. Аравдугаар сарын 20-н гэхэд өвөлжилтийн бэлтгэл ажил бүрэн хангагдаж, дуусна.

Энэ жилийн өвөлжилтийн бэлтгэл ажилд орон нутгийн төсвөөс 20 орчим тэрбум төгрөг зарцуулж байна. Мөн 27 орчим тэрбум төгрөгийн шинэ хөрөнгө оруулалт болон урсгал зардлаар өвөлжилтийн бэлтгэл ажлыг хангаад явж байна.

Мөн халаалтын асуудлыг шийдэх, дулаан хангамжийн хүртээмжийг сайжруулах бүтээн байгуулалтын ажлууд хийгдсэн. Халаалт муутай орон сууцуудын халаалтыг сайжруулах, нөхцөл байдалтай танилцах, төсвийн ажлуудыг өнгөрсөн жил хийсэн. Үүний үр дүнд энэ өвөл эдгээр асуудал шийдэгдэж, харьцангуй сайжирсан нь ажиглагдаж байгаа. Манай аймаг 50 жилийн настай учраас насжилт өндөр болсон байр, сууцууд их байдаг. Эдгээр нь дулаан алдагдал ихтэй учраас үе шаттайгаар шинэчлэх засварлах ажлуудыг хийж байна.

Баянхонгор аймгийн ЗДТГ-ын Хөгжлийн бодлогын хэлтсийн мэргэжилтэн н.Цэрэнханд: Хүнс тэжээлийн аюулгүйн нөөц бэлтгэхэд 100 сая төгрөг төсөвлөсөн  

-Өвөлжилтийн бэлтгэл ажлын төлөвлөгөөний хэрэгжилт есдүгээр сарын 25-ны байдлаар 80.2 хувьтай байна. Төв суурин газрын өвөлжилт хаваржилтын бэлтгэл ажил 88.7 хувьтай байгаа. ХХАА-н салбарын өвөлжилтийн бэлтгэл 78.7 хувьтай байна. ХХАА-н салбарын өвөлжилт, хаваржилтын бэлтгэлийн хүрээнд хүнс тэжээлийн аюулгүй нөөц бэлтгэхэд 100 сая төгрөг, хаврын улирлын иргэдийн хэрэгцээнд зориулсан махны нөөц бэлтгэхэд 100 сая төгрөг төсөвлөсөн. Эрсдэлээс урьдчилан сэргийлэх зорилгоор сум орон нутгийн аюулгүйн нөөцийг хангалттай хэмжээнд бэлтгэдэг болсон. Малчдын хувьд өвс тэжээлийн нөөцөө сайтар бэлтгэж, хувийн бэлтгэлээ сайн хангавал өвлийг хохирол багатай давах дүр зураг ажиглагдаж байна.

Хөвсгөл аймгийн ХХАА-н газрын дарга Г.Баттулга: Нийт хадлангийн 50 гаруй хувийг бэлтгэсэн

Манай аймаг өвөлжилтийн бэлтгэл ажил хангах хүрээнд Засгийн газраас гаргасан тогтоолын дагуу аймгийн Засаг даргын захирамж гарч, хэрэгжилтийг хангаад явж байна. Мал аж ахуйн өвөлжилтийн бэлтгэл ажлын хүрээнд малчид иргэдийн хэрэглэх хадлан тэжээл, сумдын аюулгүйн нөөцөд хадгалах хадлан тэжээл гээд өвөлжилтийн бэлтгэл ажлаа хангаад явж байна.

Өнөөдрийн байдлаар 23 сум, нэг тосгонд малчид иргэдийн түвшинд 249 мянган тонн байгалийн хадлан тэжээл бэлтгэх даалгаврыг сум бүрд малын тоотой нь харьцуулж гаргасан байгаа. 249 мянган тонн байгалийн хадлангаас 142 мянган тонн хадлан буюу нийт бэлтгэх ёстой хадлангийнхаа 50 гаруй хувийг бэлтгээд байна.

Өвс тэжээлийн хангамж, бэлтгэлийн хувьд 51.9 хувьд хүрсэн. Өвөлжилтийн бэлтгэл ажлын нийт гүйцэтгэл аравдугаар сарын 20-н гэхэд гарна. Хадлан тэжээлийг нутаг орноосоо, зарим хэсгийг нь зах зээлээс худалдан авах байдлаар бэлтгэдэг. Сумдын аюулгүй байдлын түвшинд авах ёстой тэжээлийнхээ 30 гаруй хувийг бэлтгээд явж байна.

Ургац хураалтын хувьд Хөвсгөл аймаг есдүгээр сарын 28-ны байдлаар 9082 га талбайгаас 14755 тонн буюу 46.7 тонн ургац хураасан байна. Үүнээс 8237 га талбайгаас 10659 тонн буюу 50.7 хувийн улаан буудай хураасан. Бусад үр тариа 402 га талбайгаас 394 тонныг авсан байна.

Төмс 123 га талбайгаас 1115 тонныг хураан авсан буюу 48 хувийн гүйцэтгэлтэй явж байна. Цаашдаа ургац хураалт, хадлан бэлтгэлийн ажил үргэлжлээд явна. Манай аймгийн хувьд 23 сум, нэг тосгонтой. Өвөл цаг агаарын аюултай үзэгдлээс шалтгаалан зам даваа хаагддаг, цаг их ордог, шуурдаг. Энэ байдлыг бид тодорхойлж аймгийн аюулгүйн нөөцийг бэлтгэж байна. Тухайлбал, Улаан-Уул суманд тодорхой хэмжээний өвс тэжээл байршуулах ажлыг зохион байгуулж байгаа.

Ч.БЯМБАХАЖИД
Эх сурвалж: “Зууны мэдээ” сонин
]]> zulaa Fri, 02 Oct 2026 09:49:35 +0800 НҮБ-ын Ерөнхий Ассамблейн чуулганы Ерөнхий санал шүүмжлэл эхэллээ http://khuvsgul.nutag.mn/index.php?newsid=3181 http://khuvsgul.nutag.mn/index.php?newsid=3181
АНУ-ын Нью-Йорк хотноо 2026 оны 09 дүгээр сарын 22-28-ны өдрүүдэд болох НҮБ-ын Ерөнхий Ассамблейн 81 дүгээр чуулганы Ерөнхий санал шүүмжлэл эхэллээ. Монгол Улсын Ерөнхийлөгч Ухнаагийн Хүрэлсүхийг НҮБ-ын төв байранд хүрэлцэн ирэхэд НҮБ-ын Ерөнхий нарийн бичгийн дарга Антонио Гутерреш угтан мэндчилж, дурсгалын зураг авхуулав. Ерөнхийлөгч дараа нь НҮБ-ын Ерөнхий Ассамблейн 81 дүгээр чуулганы Ерөнхий санал шүүмжлэлийн нээлтэд оролцлоо.

Дэлхийн 130 гаруй орны төр, засгийн тэргүүн оролцож байгаа чуулган болон Ерөнхий санал шүүмжлэлийг “Итгэлцлийг сэргээн тогтоож, шилжилтийг удирдан чиглүүлж, бүгдэд хүртээмжтэй Нэгдсэн Үндэстний Байгууллагыг цогцлоох нь” сэдвээр зохион байгуулж байна.

Ерөнхийлөгч У.Хүрэлсүх Ерөнхий санал шүүмжлэлд оролцож, олон улсын харилцааны тулгамдсан асуудлаар Монгол Улсын байр суурь, гадаад бодлогын зорилт, тэргүүлэх чиглэл, нийгэм, эдийн засгийн байдал зэргийн талаар үг хэлнэ.

сонин mn
Ерөнхий санал шүүмжлэлээр улс орнууд үндсэн сэдвээс гадна “Бүс нутгийн мөргөлдөөн ба геополитик”, “Уур амьсгалын өөрчлөлтийн эсрэг арга хэмжээ ба тогтвортой хөгжил”, “Дэлхий нийтийн эрүүл мэнд ба шинээр гарч ирж буй сорилтууд”, “Хиймэл оюун ухааны засаглал”, “Хүний эрх ба нийгмийн оролцоо” зэрэг сэдвээр өндөр түвшний хуралдаан, хэлэлцүүлэг хийж, шийдвэр гаргах төлөвтэй байна.

Тухайлбал, цөмийн зэвсгийг бүрэн устгах, сэргээгдэх эрчим хүч, уур амьсгалын санхүүжилтэд шилжих явц, Тогтвортой хөгжлийн зорилтуудын хэрэгжилтийг хурдасгах, COVID-19 цар тахлын сургамж, хариу арга хэмжээ, дэлхийн эрүүл мэндийн тогтолцоог бэхжүүлэх, хиймэл оюун ухааны аюулгүй, найдвартай, хариуцлагатай хөгжлийг хэрхэн дэмжих зэргийг хэлэлцэнэ.

Мөн Хөгжих эрхийн тухай тунхаглал батлагдсаны 40 жил, Арьс өнгөөр ялгаварлан гадуурхах, үзэн ядах шинжтэй үзлийн эсрэг Дурбаны тунхаглал болон Үйл ажиллагааны хөтөлбөрийн 25 жилийн ойд зориулсан хурал болох юм. Түүнчлэн НҮБ-ын үйл ажиллагаа, ил тод байдал, үр ашгийг сайжруулах, бүтэц зохион байгуулалтыг шинэчлэх, гишүүн орнуудын хамтын ажиллагааг бэхжүүлэх зорилготой “НҮБ-80” санаачилгыг урагшлуулах, Аюулгүйн зөвлөлийн шинэчлэл зэрэг ч хэлэлцэх асуудалд багтжээ.

сонин mn
НҮБ-ын Ерөнхий нарийн бичгийн дарга Антонио Гутеррешийн бүрэн эрхийн хугацаа энэ оны сүүлээр дуусгавар болно. Шинэ Ерөнхий нарийн бичгийн даргын албан тушаалд Чили Улсын Ерөнхийлөгч асан, НҮБ-ын Хүний эрхийн дээд комиссар асан Мишель Бачелет, Олон улсын цөмийн эрчим хүчний агентлагийн ерөнхий захирал Рафаэль Гросси, НҮБ-ын Худалдаа, хөгжлийн бага хурлын Ерөнхий нарийн бичгийн дарга Ребека Гринспан, Сенегал Улсын Ерөнхийлөгч асан Маки Саль, Ерөнхий Ассамблейн дарга асан Мария Фернанда Эспиноса нар нэр дэвших талаар олон улсын хэвлэл мэдээллийн байгууллагууд мэдээлж байна. Нэр дэвшигчийг НҮБ-ын Аюулгүйн Зөвлөл санал болгосны дараа Ерөнхий Ассамблей батална.

Ерөнхий Ассамблейн 81 дүгээр чуулганыг Бангладеш Улсын Гадаад хэргийн сайд Халилур Рахман даргалж байгаа бөгөөд Монгол Улсаас НҮБ-ын дэргэд суугаа Байнгын төлөөлөгч Н.Анхбаяр 15 орлогч даргын нэгээр ажиллаж байна.

Халилур Рахман олон талт байгууллагуудад итгэх итгэлийг бэхжүүлэх, НҮБ-ын үр нөлөөг дээшлүүлэх, дэлхий дахинд тулгарч байгаа шинэ сорилтуудад нийцүүлэн тус байгууллагыг шинэчлэх зэрэг зорилт тавьжээ.

сонин mn
Манай улс 65 жилийн өмнө буюу 1961 онд НҮБ-ын бүрэн эрхт 101 дэх гишүүнээр элссэн түүхтэй. Өнгөрсөн хугацаанд НҮБ-тай олон чиглэлээр, түүний дотор бүс нутаг, олон улсын энх тайван, аюулгүй байдлыг хангах, далайд гарцгүй хөгжиж буй орнуудын эрх ашгийг хамгаалах, НҮБ-ын энхийг сахиулах ажиллагаанд оролцох зэргээр идэвхтэй хамтран ажилладаг. Өнгөрсөн жил НҮБ 80 жилийн ойгоо тохиолдуулан Ерөнхий Ассамблейн 80 дугаар чуулган, Ерөнхий санал шүүмжлэлийг “Хамтдаа хүчтэй 80 жил болон энх тайван, хөгжил, дэвшил, хүний эрхийн төлөөх илүү сайхан ирээдүй” сэдвээр зохион байгуулсан юм. НҮБ 1945 онд АНУ-ын Сан Франциско хотод 51 гишүүнтэй байгуулагдсан бөгөөд өдгөө 193 орон элсээд байна.
]]> zulaa Wed, 23 Sep 2026 10:11:18 +0800 ОХУ-аас орж ирсэн ойн түймрийг унтраахаар ажиллаж байна http://khuvsgul.nutag.mn/index.php?newsid=3180 http://khuvsgul.nutag.mn/index.php?newsid=3180
Хөвсгөл аймгийн Улаан-Уул сумын Гун багийн Бүсийн гол гэдэг газар /аймгийн төвөөс баруун хойд зүгт 275 км-т, сумын төвөөс баруун хойд зүгт 110 км-т/ ОХУ-ын талаас Монгол Улсын хилийн 320 дугаар тэмдэгтээр ойн гал түймэр орж ирсэн тухай дуудлага 9-р сарын 15-ны өдрийн 19:45 цагт Онцгой байдлын газарт иржээ.  
Дуудлагын дагуу Онцгой байдлын ерөнхий газар, Хөвсгөл аймгийн Онцгой байдлын газрын алба хаагчид, Хилийн цэрэг, Улаан-Уул сумын Мэргэжлийн ангийнхан гурван бүлэгт хуваагдан түймрийн талбайг тойрон зурвас татаж, унанга ихтэй асч байгаа өртөнгийг бүрэн унтраахаар ажиллаж байна. Уг гал түймэрт урьдчилсан байдлаар 80 га талбай өртөж шатсан гэж ОБЕГ-аас мэдээллээ.
]]> zulaa Tue, 22 Sep 2026 09:46:24 +0800 Харилцаа холбооны хамтын ажиллагааны шинэ хуудас http://khuvsgul.nutag.mn/index.php?newsid=3179 http://khuvsgul.nutag.mn/index.php?newsid=3179 -Хятадын Радио Телевизийн Цахим Сүлжээний Олон улсын компанийн Монгол дахь охин компаниУлаанбаатар хотын Бээжингийн гудамжаар алхахдаа сэтгэлд маань дулаахан мэдрэмж төрдөг. Хятадын нийслэл Бээжингийн нэрээр нэрлэгдсэн энэхүү гудамж нь Хятад Улсын Монгол Улсад үзүүлсэн харамгүй тусламжийн гэрч бөгөөд Хятад, Монгол хоёр орны найрамдлын тод илэрхийлэл юм.
12-р сарын 16-ны өдөр Манай сэтгүүлчдийн багйинхан Улаанбаатар хотын Бээжин гудамжаар алхаж гудамжийн зүүн хэсэгт байрлах Хятадын Радио Телевизийн Цахим Сүлжээний Олон улсын компанийн Монгол дахь охин  компанийг зорилоо.
Хятадын Радио Телевизийн Цахим Сүлжээний гадаад бизнесийн гол хэрэгжүүлэгч байгууллага болох Хятадын Радио Телевизийн Цахим Сүлжээний Олон улсын компани нь төвийн аж ахуйн нэгжийн бүрэн эзэмшлийн хоёрдугаар зэрэглэлийн олон улсын бизнесийн мэргэжлийн компани бөгөөд олон улсын радио телевиз, харилцаа холбооны нэгдсэн үйлчилгээ үзүүлэхэд хичээн ажилладаг. Тус компани нь "Бүс ба Зам" санаачилгад гүнзгий оролцож, хил дамнасан үйлчилгээний салбарт олон талт нээлт, хурдацтай хөгжлийг бий болгож, зам дагуух улс орон, бүс нутгуудын харилцаа холбоо, холболтын бат бөх гүүрийг босгосон юм.
Хятадын Радио Телевизийн Цахим Сүлжээний Олон улсын компанийн Монгол дахь охин компанийн
менежер Гао Чуаньжинь ярилцлага хүлээв
  Хятадын Радио Телевизийн Цахим Сүлжээний Олон улсын компани нь 2018 оны 3-р сард үүсгэн байгуулагдаж, эхлэл, тогтвортой өсөлт, өөрчлөлт гэх хөгжлийн гурван үндсэн үе шатыг туулж, контент дамжуулахаас харилцаа холбооны үйлчилгээ хүртэлх стратегийн шинэчлэлийг аажмаар хийж гүйцэтгэсэн байна. 2018 онд Монгол Улсад телевизийн нэвтрүүлгийн ажил эрхэлж, гадаад зах зээлд гарах үүдийг нээж, 2020 онд олон улсын соёлын харилцаа холбооны замыг өргөжүүлэх зорилгоор Хятад-АСЕАН-ы Олон улсын харилцаа холбооны платформыг байгуулсан юм. 2024 онд олон улсын харилцаа холбооны бизнес эрхлэгч болж, бизнесийн хөгжлийн шинэ замыг нээв. 2025 онд Хонг Конгийн CBINET дэлхийн гол зангилааг нээж, Монголд охин компани байгуулснаар дэлхийн бизнесийн ажил төрлөө улам сайжрууллаа.
  Одоогийн байдлаар, Хятадын Радио Телевизийн Цахим Сүлжээний Олон улсын компани нь дөрвөн үндсэн бизнесийн сегментийг байгуулж, олон салбарын зохицонгуй хөгжлийн зохистой хэв маягийг бүрдүүлжээ. Олон улсын харилцаа холбооны салбарт тус компани CBINET олон улсын сүлжээг байгуулж, 5 үндсэн чиглэлд 11 бизнесийг байршуулан, дэлхийн гол POP нөөцийн зохион байгуулалтыг дуусгаж, хил дамнасан харилцаа холбооны сүлжээний дэмжилэг үзүүлж байна. Мөн Хуа Либө компанид тулгуурлан Хятадын кино, телевизийн соёлыг АСЕАН-ы орнуудад идэвхтэй сурталчлах, Хятад болон гадаад орнуудын хооронд соёлын солилцоо, харилцан суралцахыг дэмжих дөрвөн платформ байгууллав. Олон улсын худалдааны салбарт Хонг Конг, Монголын охин компаниудаараа дамжуулан Huawei, Xiaomi зэрэг дотоодын электрон болон фотоэлектрик тоног төхөөрөмжийн борлуулалтын төлөөлөгчөөр ажиллаж, Хятадын үйлдвэрлэлийг гадаадад гарч, гадаад зах зээлийн орон зайг өргөжүүлэхэд нь туслав.
  Хятадын Радио Телевизийн Цахим Сүлжээний Олон улсын компанийн Монгол дахь охин компани нь 2023 оноос бэлтгэл ажлаа эхлүүлж, 2024 оны 4-р сард төлөөлөгчийн газрын бүртгэлийн гэрчилгэгээ авсан юм. Одоогоор тус компани ньголчлон үндсэн харилцаа холбооны үйлчилгээ, Монголд байгаа Хятадын иргэд, оюутан, аж ахуйн нэгжүүдэд зориулсан сүлжээний хурдатгалын үйлчилгээ, шинэ эрчим хүчний цахилгаан станцын төслүүдийг гүйцэтгэж, Хятад, Монголын кино, телевизийн соёлын солилцоо, хамтын ажиллагааг идэвхтэй дэмжиж байгаа юм. Мөн төв компанийн дэмжлэгтэйгээр хил дамнасан холбоо, гар утасны дуудалгад ая нэмэх ба видео дуудлага зэрэг харилцаа холбооны үйлчилгээг үзүүлэхийн тулд Mobicom, unitel, Skytel зэрэг Монголын орон нутгийн харилцаа холбооны операторуудтай хамтын ажиллагаа байгуулжээ.
Компанийн ажилтан сүлжээ нэвтрүүлэх ажилд үйлчилж байна
Монгол дахь Хятад иргэдэд чиглэсэн WeChat шууд төлбөрийн үйлчилгээг нэвтрүүлснээр Монголд амьдарч буй Хятад иргэдэд тулгарч буй хэлний болон төлбөрийн саад бэрхшээлийг үр дүнтэй шийдвэрлэж, тэдний тав тухыг хангав. Монголд байгаа Хятадын аж ахуйн нэгжүүд Хятадын төв компанитайгаа харилцахад тулгарч буй сүлжээний асуудалд хурдатгалын үйлчилгээг нэвтрүүлсэн бөгөөд үүнийг цементийн үйлдвэр, Шижин уул уурхай, Дүн Шэн газрын тосны уурхай зэрэг компаниуд амжилттай ашиглаж, оффисын үр ашиг, видео хурлын чанараа эрс сайжруулж, Монгол дахь Хятадын компаниудын хөгжлийг нэмэгдүүлсэн гэж Хятадын Радио Телевизийн Цахим Сүлжээний Олон улсын компанийн Монгол дахь охин компанийн менежер Гао Чуаньжинь танилцуулав.
Радио телевизийн бизнесийн салбарт Монголын зах зээлийг хөгжүүлж, Улаанбаатар хотын төв хэсэг болон нисэх онгоцны буудлын шинэ дүүргийг хамарсан 50,988 өрхийн сүлжээг шинэчлэж, 30.695 километр радиаль голын оптик кабель, 49.173 километр салаалсан оптик кабель суурилуулсан байна. Хятадын 12 телевизийн нэвтрүүлгийг хамарсан 125 телевизийн нэвтрүүлэгийг нэгтгэж, Хятадын соёлыг дэлгэцээр дамжуулан Монголын Улсын олон айл өрхөд түгээсэн юм.
Гао Чуаньжинь ярихдаа:  
- Манай компани Хятадын орчин үеийн хөгжил, соёлын талаарх орон нутгийн иргэдийн ойлголтыг нэмэгдүүлэхийн тулд Хятадын кино телевизийн шилдэг бүтээлүүдийг Монголд нэвтрүүлэхээр төлөвлөж байна. Үүний зэрэгцээ Монголын кино телевизийн шилдэг бүтээлүүдийг Хятадын зах зээлд нэвтрүүлэхийг дэмжиж, Хятад, Монголын хооронд хоёр талын соёлын солилцоог хөнгөвчлөх, соёлын интеграцчилалаар дамжуулан хоёр орны найрамдлыг гүнзгийрүүлэхэд ховь нэмэр оруулах болно гэжээ.
 Монголын эрчим хүчний хангамж хязгаарлагдмал, сүлжээний диспетчерийн чадвар сул байгааг харгалзан Хятадын Радио Телевизийн Цахим Сүлжээний Олон улсын компанийн Монгол дахь охин компани нь сэргээгдэх эрчим хүчний цахилгаан станцуудыг барих ажлыг дэмжив. Иргэний зах зээл дээр манай компани House-ийн орон сууцын хэрэглэгчдэд тохиромжтой шинэ эрчим хүчний суурин, мөн малчдын нүүдлийн үеэр ашиглахад хялбар зөөврийн шинэ эрчим хүчний цахилгаан станцуудыг нэвтрүүлж, цахилгаан, хиймэл дагуулын телевиз, сүлжээний функцуудыг нэгтгэн "Орчин үеийн малчин" төслийг хэрэгжүүлсэн бөгөөд энэ нь 200,000 гаруй нүүдэлчин малчдад ашиг тус олгож, орон нутгийн иргэдийн амьдрах нөхцлийг сайжруулахад хувь нэмэр оруулсан байна гэж Монгол дахь охин компанийн менежер Гао Чуаньжинь танилцуулав.
Ярилцлагын төгөсгөлд Хятадын РадиоТелевизийн Цахим Сүлжээний Олон улсын компанийн Монгол дахь охин компанийн цаашдын төлөвлөгөөний талаар "Бүс ба Зам" санаачилгын дагуу Хятадын Радио Телевизийн Цахим Сүлжээний Олон улсын компани нь шаргуу хөдөлмөр, хариуцлагаа ухамсарлан хил дамнасан үйлчилгээний салбарт шинэ хуудас нээж, Хятад, Монгол, тэрчлэн "Бүс ба Зам" дагуух орнуудын хамтын ажиллагаа, хөгжлийг урагшлуулахад тасралтгүй хүчин зүтгэл үзүүлнэ гэж Гао Чуаньжинь хэлэв.  
Зохиогч:  ЮЙ ИН, Д.МӨЧИР, Х.АРВИНТАЛ, Г.АЛС, Н.ЦОВОО
Найруулагч: Д.МӨЧИР
Эх сурвалж : Солонго Мэдээллийн Төв

]]> zulaa Thu, 03 Sep 2026 15:21:58 +0800 Мөрөн сумын Хоёрдугаар цэцэрлэг шинэ барилгадаа хүүхдүүдийг хүлээн авна http://khuvsgul.nutag.mn/index.php?newsid=3178 http://khuvsgul.nutag.mn/index.php?newsid=3178
Хөвсгөл аймгийн Мөрөн сумын Хоёрдугаар цэцэрлэгийн хуучин өргөтгөлийн барилга нь ашиглалтын шаардлага хангахгүй болсон тул улсын байцаагчийн дүгнэлтээр акталж, буулгажээ.
Монгол Улсын 2024 оны төсөвт тус цэцэрлэгийн барилгын төсвийг тусгаж, “Цэгц мандал” ХХК 3.9 тэрбум төгрөгийн үнийн дүн бүхий барилга угсралтын гэрээ байгуулан 2024 оны 08 дугаар сарын 13-ны өдрөөс ажилдаа оржээ. Төлөвлөлтийн дагуу ажиллаж 150 ортой хоёрдугаар цэцэрлэгийн  барилгыг 2026 оны 09 дүгээр сарын 01-ний өдөр ашиглалтад хүлээлгэн өгөхөөр бэлтгэл хангаж байна.

Тус барилгын захиалагчийн хяналтыг “Барилгын хөгжлийн төв” ТӨҮГ, зураг төслийн ажлыг “Креатив Энержи инженеринг” ХХК тус тус гүйцэтгэж байна. Шинэ цэцэрлэгийн барилга ашиглалтад орсноор орон нутагт тус бүр хоёр багш, туслах багш, үйлчлэгчийн ажлын байр шинээр бий болно.
Мөн албан хаагчдын ажиллах нөхцөл сайжирч, цэцэрлэгийн хүчин чадал нэмэгдэнэ. Тодруулбал, өмнө нь 150 хүүхэд хүлээн авах хүчин чадалтай байсан бол шинэ барилга ашиглалтад орсноор 50 хүүхдийн хүчин чадал нэмэгдэж, нийт 200 хүүхдэд сургуулийн өмнөх боловсролын үйлчилгээ үзүүлэх боломж бүрдэх юм.
Ингэснээр хүүхдүүд гэртэйгээ ойр, ая тухтай, эрүүл аюулгүй орчинд сургуулийн өмнөх боловсрол эзэмших нөхцөл бүрдэнэ гэж Боловсролын ерөнхий газраас мэдээллээ. 


]]> zulaa Thu, 27 Aug 2026 09:36:28 +0800 Хөвсгөл нуурын аялал жуулчлалын гол бүсүүдийг холбосон зам тавьж байна http://khuvsgul.nutag.mn/index.php?newsid=3177 http://khuvsgul.nutag.mn/index.php?newsid=3177
Хөвсгөл нуурын байгалийн цогцолборт газрын аялал жуулчлалын гол бүсүүдийг холбох 32 км хатуу хучилттай авто зам тавьж байна. 85 хувийн гүйцэтгэлтэй үргэлжилж байна. 

Хатгал–Жанхай–Тойлогт чиглэлийн 32 км авто зам, түүнтэй холбох 2 км зам болон Хатгал–Хүзүүвчийн шил–Ашихай чиглэлийн 5.5 км авто замыг барьж байна. 
Эдгээр зам ашиглалтад орсноор жуулчид дөрвөн улиралд Хөвсгөлийн аялал жуулчлалын бүсүүдэд аюулгүй, тав тухтай зорчих боломж бүрдэнэ. Мөн тусгай хамгаалалттай газар нутагт олон салаа зам гаргах, хяналтгүй зорчих явдал багасаж, хөрс, ургамлын доройтол буурч, байгалийн унаган төрхийг хамгаалахад чухал ач холбогдолтой юм. 

Жанхайн даваа–Тойлогт чиглэлийн замыг Үндэсний их баяр наадмаас өмнө, Жанхай–Хатгал чиглэлийн зам наймдугаар сард ашиглалтад орно. Энэ амралтын өдрүүдэд “Тогтвортой аялал жуулчлалыг хөгжүүлэх төсөл”-ийн хүрээнд Соёл, спорт, аялал жуулчлалын сайд Ж.Алдаржавхлан, УИХ-ын гишүүн Б.Бат-Эрдэнэ нар тус аймагт ажиллажээ. 


]]> zulaa Tue, 30 Jun 2026 15:57:16 +0800 Хөвсгөл нуур орчимд хаягдлын олон улсын стандартын байгууламж барина http://khuvsgul.nutag.mn/index.php?newsid=3176 http://khuvsgul.nutag.mn/index.php?newsid=3176
Азийн хөгжлийн банкны санхүүжилтээр хэрэгжиж буй, "Тогтвортой аялал жуулчлал" төслийн хүрээнд Хөвсгөл нуур орчмын хог хаягдлыг ангилан ялгана.
Дахин боловсруулах, хог хаягдлын эцсийн үлдэгдлийг байгаль орчинд сөрөг нөлөөгүйгээр дарж булшлах, стандартын шаардлага хангасан хог хаягдлыг цэвэрлэх байгууламж хийж байна.
Бохир ус цэвэрлэх байгууламж нь аялал жуулчлалын бааз, үйлчилгээний байгууллагуудаас гарч буй шингэн хаягдлыг биологийн аргаар стандартын шаардлагад нийцүүлэн цэвэрлэнэ. Хог хаягдлын бүртгэл, мэдээллийн сан, хяналтын тогтолцоог сайжруулж, бохир усыг ил задгай асгах, хөрс ус бохирдуулах эрсдэлийг бууруулна. 
Хөвсгөл нуурын усны чанар, экосистемийг хамгаалах, аялал жуулчлалын бүсийн ариун цэвэр, эрүүл ахуй, стандартын шаардлагыг дээшлүүлэхэд чухал ач холбогдолтой юм. Соёл, спорт, аялал жуулчлал, залуучуудын сайд Ж.Алдаржавхлан болон яамны удирдлагууд энэ амралтын өдрүүдэд Хөвсгөл аймагт хэрэгжиж буй бүтээн байгуулалтын ажилтай танилцжээ.
Гүйцэтгэгч байгууллагын удирдлага, албан хаагчидтай ажлыг эрчимжүүлэх чиглэлээр ажиллаж байна гэж тус яам мэдээлэв.
]]> zulaa Tue, 30 Jun 2026 13:59:53 +0800